Bota

Trump shkarkon Këshilltarin e Sigurisë Kombëtare: Nuk isha dakord me propozimet e tij!


               Publikuar në : 18:26 - 10/09/19 M. S

Këshilltari i Sigurisë Kombëtare, John Bolton, është zyrtari i i lartë i Administratës së Presidentit Trump, që largohet nga detyra.

Njoftimin e ka përcjellë presidenti Trump, me anë të një postimi në Twitter. Arsyeja e kësaj vendimmarrje lidhet me faktin se presidenti Donald Trump nuk ishte dakord me shumë propozime të paraqitura nga ana e Bolton.

“E njoftova mbrëmë John Bolton-in se shërbimet e tij nuk nevojiten më në Shtëpinë e Bardhë”, sapo shkroi Presidenti Donald Trump, në rrjetin social Twitter. “Nuk isha dakord me shumë propozime të tij, ashtu si edhe shumë të tjerë në Administratë…”.

John Bolton shihej si një zyrtar i linjës së fortë në çështjet e sigurisë dhe të jashtme. Ai besohej se ishte edhe arkitekt i politikës së përplasjes me Iranin.

 

Kthehu
WhatsApp Denonco ne TT