Stephen Hawking i cili ndërroi jetë sot, kishte lëshuar një paralajmërim të fortë, duke thënë se Donald Trump mund të jetë përgjegjës për ndryshimet klimaterike që po ndodhin në planetin tonë.
Shkencëtari i njohur botëror e goditi vendimin e presidentit amerikan, i cili më parë ka deklaruar se do të tërhiqet nga marrëveshja e klimës së Parisit.
Haëking deklaroi se ky vendim mund të çojë në ngrohjen globale “të pakthyeshme”. Ai i bëri këto paralajmërime gjatë festimit të 75-vjetorit të tij të lindjes.
Presidenti Trump njoftoi muajin e kaluar se SHBA do të tërhiqen nga Marrëveshja e Parisit. Rreth 200 vende kanë rënë dakord më parë për planin e reduktimit të emetimit të karbonit.
Trump ka deklaruar se dëshiron të rinegociojë kushtet e marrëveshjes së nënshkruar nga Shtetet e Bashkuara, për të siguruar që ekonomia amerikane dhe biznesi të mos dëmtohen nga ajo.
Por profesor Hawking kishte paralajmëruar se vendimi mund të ketë pasoja të tmerrshme.
Duke folur për BBC, Hawking tha: “Ne jemi pranë pikëzimit ku ngrohja globale bëhet e pakthyeshme. Veprimi i Trump mund të shtyjë Tokën drejt greminës, ku temperatura mund të arrijë dyqind e pesëdhjetë gradë, dhe do të ketë shiu i acidit sulfurik. Ndryshimi i klimës është një nga rreziqet më të mëdha me të cilat ballafaqohemi dhe është një gjë që mund të parandalojmë nëse veprojmë tani.
Duke mohuar provat për ndryshimet klimatike dhe duke u larguar nga Marrëveshja e Klimës së Parisit, Donald Trump do të shkatërrojë mjedisin në planetin tonë të bukur, duke rrezikuar botën natyrore, por edhe ne dhe fëmijët tanë”. TIRANA TODAY
