Një “luftë” deklaratash ka nisur mes kreut të Koresë së Veriut dhe presidentit të SHBA-ve për sa i përket zhvillimit të armëve bërthamore.
Pas deklaratës së bujshme të Trump dje në Organizatën e Kombeve të Bashkuara, reagoi Kim Jong Un, i cili tha se presidenti i SHBA-ve kishte fyer atë dhe popullin e tij dhe se do e paguajë shtrenjtë.
Por, kërcënimet e Kim Jong Un duket se nuk i bëjnë përshtypje Trump-it, i cili ka reaguar sërish me një ton po kërcënues.
“Kim Jong Un i Koresë së Veriut, i cili është dukshëm një i çmendur që nuk e ka problem të ngordhë urie apo të vrasë popullin e tij, do të testohet si asnjëherë më parë!”, shkruan Trump në Twitter.
