Presidenti i Shteteve të Bashkuara Donald Trump, tha të premten se mund ta nënshkruajë marrëveshjen e shumëpritur tregtare me Kinën, e cila ishte përballur me sanksione të rënda në 16 muaj të luftës tregtare midis dy fuqive të mëdha ekonomike.
Trump theksoi se negociatat për fazën e parë të marrëveshjes po shkojnë mirë dhe se shpreson që do të nënshkruajë marrëveshjen me presidentin e Kinës Xi Jinping në Iowa të SHBA-së, vendi ku procesi i kësaj marrëveshjeje është finalizuar.
“Ne jemi duke shikuar lokacione të ndryshme, por mund të jetë në Iowa”, tha Trump për gazetarët.
Trump dhe Xi pritej të nënshkruajnë marrëveshjen në Samitin e bashkëpunimit ekonomik të Kilit, por planet u hodhën poshtë pas anulimit tërheqjes së Kilit si nikoqir i Samitit.
Trump në zgjedhjet e vitit 2016 kishte fituar 51.1 për qind të votave në Iowa.
Për herë të parë një republikan ka arritur të fitojë këtë shumicë në Iowa që nga kandidimi i Ronald Reagan më 1980.
Ende nuk është e qartë nëse Kina do të pajtohet që të nënshkruajë marrëveshjen në SHBA. /REL
