Presidenti amerikan, Donald Trump në vizitën e tij në Vietnam bëri dhe rolin e ndërmjetësit për arritjen e një marrëveshje mes Kinës dhe Vietnamit. Marrëveshja u arrit sot në një konsensus për menaxhimin e tensioneve të tyre në Detin e Kinës Jugore, një zonë e pretenduar nga Pekini. Lajmi u publikua nga agjencia zyrtare kineze e lajmeve Hsinhua.
Kjo marrëveshje u arrit gjatë një takimi mes presidentit kinez, Xi Jinping dhe kreut të partisë komuniste të Vietnamit, Nguyen Phu Trong, me rastin e një vizite shtetërore të këtij të fundit në Hanoi, shkruan ata.
“Dy palët kanë arritur në një konsensus të rëndësishëm për menaxhimin e çështjeve detare në mënyrën e duhur dhe për përpjekje të përbashkëta për ruajtjen e paqes dhe stabilitetit në Detin e Kinës Jugore”, njoftoi agjencia kineze e lajmeve Hsinhua, pa dhënë më shumë detaje.
