Presidenti i SHBA-ve, Donald Trump pritet që të tërhiqet nga marrëveshja bërthamore me Iranin dhe të prezantojë një strategji më konfrontuese.
Trump është nën presion ndërkombëtar që të mos tërhiqet nga marrëveshja, ndërsa sekretari amerikan i Shtetit, Rex Tillerson është konsultuar me homologët e tij në Europë dhe Kinë.
Sipas marrëveshjes së arritur në 2015-ën, Irani pranoi pezullimin e programit bërthamor në shkëmbim të heqjes së pjesshme të sanksioneve.
Trump premtoi gjatë fushatës se do ta shfuqizonte këtë marrëveshje, teksa shpesh është treguar kritik lidhur me të.
Nëse Trump tërhiqet, kjo t’i jepte Kongresit 60 ditë kohë për të vendosur tërheqjen nga akordi, duke ri-imponuar sanksionet.
Kongresi kërkon që Trump ta certifikojë çdo 90 ditë se Irani po përmbush detyrimet e imponuara nga marrëveshja. Deri më tani, Trump e ka ricertifikuar këtë akord 2 herë tashmë, por spekulimet për një mosaprovim të marrëveshjes kanë alarmuar aleatët e Shteteve të Bashkuara dhe disa anëtarë të administratës së presidentit.
