Koreja e Veriut tha se do të rihapë një linjë telefonike në kufi me Korenë e Jugut të mërkurën, vetëm pak orë pasi Presidenti i SHBA-ve Donald Trump u tall me udhëheqësin e Veriut duke thënë se “kishte një buton bërthamor më të madh dhe më të fuqishëm sesa Kim Jong-un.”
Deklarata e paplanifikuar e Veriut, e lexuar në televizionin shtetëror, erdhi një ditë pasi Seuli propozoi diskutime të nivelit të lartë në mes të një qëndrimi të tensionuar mbi programet raketore dhe bërthamore të Koresë së Veriut.
Kjo pasoi me një deklaratë të Kim Jong-un, i cili tha se ishte i hapur për bisedime me Sulin dhe se konsideronte dërgimin e një delegacioni në Lojërat Olimpike Dimërore, që do të mbahen në shkurt.
Zyrtarët e SHBA.-së thanë se Uashingtoni nuk do të merrte në konsideratë ndonjë bisedë ndërmjet Koresë së Veriut dhe Koresë së Jugut nëse nuk kontribuonin në denuklearizimin e Koresë së Veriut, raporton Tirana Today.
Kim dha një urdhër për të rihapur një linjë telefonike kufitare me Korenë e Jugut në fshatin Panmunjom në 06:30 të mërkurën, tha zyrtari i Koresë së Veriut, Ri Son Gwon.
Ky veprim erdhi vetëm disa orë pasi Trump u tall përsëri me kreun e Koresë së Veriut në Twitter.
“A mundet dikush nga regjimi i tij i varfëruar dhe ngordhjes së urisë ta informojë atë se edhe unë kam një buton nuklear, por është shumë më i madh dhe më i fuqishëm se i tij dhe se butoni im funksionon”, kërcënoi Trump në Twitter.
North Korean Leader Kim Jong Un just stated that the “Nuclear Button is on his desk at all times.” Will someone from his depleted and food starved regime please inform him that I too have a Nuclear Button, but it is a much bigger & more powerful one than his, and my Button works!
— Donald J. Trump (@realDonaldTrump) January 3, 2018
Teksa u hapi derën negociatave me Korenë e Jugut për të marrë pjesë në Olimpiadën e Dimrit, Kim gjithashtu paralajmëroi se do të vazhdonte me prodhimin masiv të bombave bërthamore, në kundërshtim me sanksionet amerikane. TIRANA TODAY
