Duket se Donald Trump i ka hedhur “benzinë zjarrit” me deklaratat e tij në mbledhjen e Kombëve të Bashkuara, për sa i përket zhvillimit të armëve bërthamore.
Trump deklaroi se po të donte e shkatërronte Korenë, ndërsa menjëherë ka ardhur edhe reagimi i Kim Jong-Un, i cili foli për median shtetërore KCNA, ku tha:
“Do ta paguajë shumë shtrenjtë për komentet e tij në Organizatën e Kombeve të Bashkuara. Fjalët e Donald Trump më bindin më fort dhe jo të më trembin, se rruga që kam zgjedhur është ajo e duhura dhe e vetmja që do të ndjek deri në frymën time të fundit. Tani që Trump mohoi ekzistencën dhe më ofendoi mua dhe vendin tim në sy të botës përmes deklaratave më të egra për luftë të bëra ndonjëherë, Koreja e Veriut do të ndërmarrë masat më të forta,” u shpreh dikatori i Koresë.
