Në një deklaratë për shtyp, Presidenti i Shteteve të Bashkuara Donald Trump ka theksuar se për aq kohë sa ai është President i SHBA-së, Irani nuk do të ketë kurrë armë bërthamore.
“Forcat tona amerikane janë të përgatitura për gjithçka. Irani duket se po tërhiqet”, ka deklaruar ai.
Trump po ashtu ka pohuar se “fushata e terrorit dhe vrasjeve” të Iranit nuk do të tolerohet.
Konferenca e Presidentit po zhvillohet pasi Irani ka sulmuar dy bazat amerikane, Irbil dhe Al Asad, në Irak në orët e para të mëngjesit të së martës.
Kujtojmë se televizioni shtetëror iranian ka thënë se ky sulm është hakmarrje ndaj vendimit të Shteteve të Bashkuara për të vrarë komandantin e forcave elite iraniane, Qasem Soleimani, një javë më parë.
