Palestinezët dhe izraelitët duhet të bashkëpunojnë për arritjen e një marrëveshjeje, tha zoti Trump, duke shtuar se “Do të doja shumë të isha ndërmjetësues, ose në rolin e arbitrit, për ta përfunduar këtë punë.”
Deklaratën, presidenti amerikan, Donald Trump, e bëri gjatë takimit me udhëheqësin e Autoritetit Palestinez, Mahmoud Abbas,në Shtëpinë e Bardhë. Dy liderët u zotuan se do të përpiqen të shënojnë një arritje diplomatike në procesin e paqes në Lindjen e Mesme.
Trump, po ashtu, theksoi se gjatë jetës së tij, ai kishte dëgjuar se “marrëveshja më e vështirë për t’u arritur do të ishte ndoshta ajo në mes izraelitëve dhe palestinezëve. Le t’u provojmë atyre se e kanë gabim”, tha presidenti.
