Skandali i trukimeve që shpërtheu në futbollin grek në vitin 2011, ka përfunduar me 58 persona të ndaluar, ndërsa për disa prej protagonistëve janë dhënë masa ndëshkimore edhe me burg për pjesëmarrje aktive nga gjykata e Arbitrazhit në Athinë.
Skandali u bë publik pasi shumë telefonata të përgjuara përfunduan në mediat më të mëdha në vend, duke zbuluar fytyrën e vërtetë të futbollit me emra bastvënësish, gjyqtarësh, futbollistësh, trajnerësh e pronarësh të cilën flisnin hapur për manipulime ndeshjesh në favor të basteve sportive. Mes të dënuarve me burg janë edhe ish presidenti i Asteras Tripoli dhe ai i Olimpiakos Volou. Ky i fundit, Akiles Beos, ka qenë edhe kryetar bashkie në Volos, ndërsa u ndëshkua me 4 vite burg.
UEFA ka përshëndetur këtë vendim, për një çështje në të cilën ajo ka punuar përkrah autoriteteve greke. “Autoritetet greke filluan hetimin pasi UEFA u dorëzoi një listë prej 41 ndeshjesh të dyshimta në kampionatin vendas. Këto ndeshje u identifikuan nëpërmjet sistemit BFDS, në bashkëpunim me kompaninë Sportradar.
Në fillimin e hetimeve, UEFA bashkëpunoi me prokurorinë greke për këtë çështje ndërsa duket qartësisht se bashkëpunimi dypalësh për të identifikuar dhe përndjekur sjelljet kriminale, është thelbësore për çështje të tilla.
Përveç bashkëpunimit direkt me forcat policore dhe prokurorinë, UEFA punon gjithashtu me EUROPOL ashtu si edhe autoritete të tjera kombëtare për të nxjerrë kriminelët para ligjit, duke i lejuar UEFA-s që të ndërmarrë masa disiplinore në mënyrë më të shpejtë dhe më efikase”, shkruhej në njoftimin e UEFA-s.
Kujtojmë që dhe në Shqipëri klubi i Skënderbeut dhe drejtuesit e saj akuzohet nga UEFA për trukime ndeshjes në kampionatin shqiptarë dhe në Europë. Për klubin korçar inspektorët e UEFA-s kanë kërkuar përjashtimi për 10 vite nga Kupat e Europës.
