Një ngjarje e rëndë ka tronditur Shkodrën në orët e para të ditës, ku mësohet se janë vrarë brenda në një makinë burrë e grua.
Ende nuk dihen shkaqet e këtij ekzekutimi, që ka ndodhur në vendin e quajtur “Rruga e Gjerë”.
Nga të dhënat paraprake mësohet se viktima, Bruhan Brecani, ka qenë polic në Fushë-Arrëz.
Çifti është qëlluar me pistoletë brenda në makinë, mëngjesin e sotëm.
Sapo janë njoftuar për këtë krim makabër, uniformat blu janë drejtuar në vendin e ngjarjes, për zbardhjen e motiveve që çuan në këtë ekzekutim.
