Në një takim me gazetarët ditën e sotme, Basha ka paralajmëruar se Partia Demokratike do të publikojë së shpejti dosjen e Dibrës me skandalin e radhës, ku janë të përfshirë ish-ministri Saimir Tahiri, Damian Gjiknuri si dhe katër deputetë të PS-së.
“Dosja hetimore e Dibrës ku janë interceptuar në mënyrë ligjore, janë krijuar prova dhe fakte ligjore të përfshirjes së Saimir Tahirit asokohe ministër, Damian Gjknuri dhe të paktën katër deputetëve të tjerë të PS-së, në transaksione me banda të krimit të organizuar. Me figura të krimit të orgarnizuar si Ymer Lala, për të ushtruar presion, për të blerë vota dhe për të kërcënuar banorët e Dibrës”, u shpreh Basha.
