Edhe pse do shumë kohë që të hapet merkato e verës, zërat janë të shumtë se drejt Elseid Hysajt vërshon një numër i madh ofertash. Napoli në kontratën me mbrojtësin kuqezi, që e mbanë atë të lidhur deri në vitin 2021, ka vendosur një klauzolë prej 50 milionë euro. Ajo mund të aktivizohet vetëm mes 30 qershorit dhe 15 korrikut çdo vit.
Agjenti i Elseid Hysajt i ka thënë Napolit se një klub i madh është gati të paguajë 50 milionë eurot e klauzolës së tij, sipas Tuttosport. Lojtari i përfaqësueses shqiptare u ble nga Empoli për 5 milionë euro në 2015, duke ndjekur trajnerin Maurizio Sarri në San Paolo.
Tuttosport pretendon se drejt Hysajt ka ardhur një ofertë premtuese dhe agjenti i tij ia ka transmetuar këtë gjë klubit italian. Ndër klubet e interesuar janë edhe Manchester United dhe Arsenal, por nuk duhet harruar Juventusi dhe Bayer Munich që e sheh si lojtarin perfekt për skemat e bavarezëve. 24-vjeçari konsiderohet si një nga mbrojtësit e djathtë më të mirë në Evropë.
