Dy shpërthime kanë ndodhur ditën e sotme në dy zyra postare në Holandë. Sipas raportimeve eksplozivi ishte vendosur brenda zarfeve të postës.Shpërthimi i parë ka ndodhur në qytetin e Amsterdamit, ndërsa tjetri në qytetin Kerkrade.
Shpërthimi i parë ka ndodhur rreth orës 8 të mëngjesit, në një zyrë poste në një qendër biznesi. Ndërsa, shpërthimi i dytë në Kerkrade ndodhi disa minuta më vonë. Deri tani raportohet se nuk ka pasur të lënduar në asnjërin nga shpërthimet.
Shpërthimet ndodhën vetëm një muaj pas ngjarjeve të ngjashme në Amsterdam, Rotterdam, Utrecht dhe Maastricht. Për fat të mirë, letrat e mbushura me mjete plasëse nuk kishin shpërthyer. Policia nuk e ka arrestuar asnjë person në lidhje me ato incidente.
Zarfe me lëndë shpërthyese më parë janë dërguar në një hotel, në një pompë të benzinës, në ofiçinën e një automekaniku dhe në adresat e agjentëve të patundshmërive.
