Tronditet futbolli, ndërron jetë në gjumë 18-vjeçari në Angli

Një ngjarje tjetër e rëndë ka tronditur futbollin. Duket si një rast që përsëritet dhe futbollistët ndërrojnë jetë në rrethana të pazakonta. Brenda pak kohësh ndodh sërish që një futbollist të humbë jetë në gjumë. Rasti më i njohur ishte ai i kapitenit të Fiorentinës, Davide Astori, dhe më pas një futbollist në Francë. Kësaj here bëhet fjalë për kapitenin 18-vjeçar të ekipit të të rinjve të Mansfield Town. Emri i tij është Ryan Evans.Klubi anglez ka lajmëruar vdekjen e tij. “Jemi të pikëlluar për këtë lajm. Mendimet tona shkojnë për familjen e Ryan. Ai ishte një lojtar dhe lider fantastik, gjithmonë i gatshëm për të mësuar dhe kishte një entuziast të pashoq” -shkruhet në reagimin e klubit. Dyshimet janë se Evans mund të ketë patur një problem me zemrën. Ai ka ndërruar jetë në 24 maj, por lajmi u konfirmua më vonë nga klubi. 18 vjeçari ndërroi jetë në gjumë.