Pas atentatit të Shkodrës, është qyteti i Elbasanit i cili është tronditur nga një granatë. Situata kriminale duket sikur po mbizotëron vendin. Policia, nga të dhëna e para bën me dije se nga shpërthimi i një grante dore në ambientet e një lokali, është dëmtuar shtetasi me inicialet A.A, 32-vjeç. Ai është akualisht nën kujdesin e bluzave të bardha, në gjendje të rëndë për jetën. Ngjarja është shënuar në orët e para të ditës, në lagjen “Partizani” në Elbasan.
Detajet e policisë:
Në orët e para të mëngjesit, në lagjen “Partizani”, Elbasan, në ambjentet e një lokali është hedhur një granate dore e cila ka shpërthyer, dhe për pasojë është dëmtuar pronari i lokalit, shtetasi A.A., rreth 32-vjeç, i cili ndodhej në lokal në ato momente.
I dëmtuari është transportuar në Spitalin e Elbasanit, në gjendje të rëndë.
Grupi hetimor ndodhet në vendngjarje dhe po punon për zbardhjen e rrethanave të ngjarjes, si dhe identifikimin e kapjen e autorit/ve.
