Lionel Messi ka rinovuar kontratën me Barcelonën së fundmi, por në të ka një detaj që ‘tremb’ katalanasit. Ylli argjentinas mund të largohet me parametra zero nga skuadra pas dy sezonesh. Kjo është ajo që raporton El mundo Deportivo”, sipas së cilës në kontratën e yllit argjentinas ekziston një klauzolë, e cila e lejon atë të lë skuadrën “gratis” në rast se shkon në një ekip që nuk është në elitën e futbollit botëror.
Argjentinasi ka një klauzolë të zgjidhjes në vlerën e 700 milionë eurove, shifër kjo e cila vështirë të paguhet lehtë nga skuadra të vogla.
Gjithnjë sipas “El Mundo Deportivo”, presidenti i Barcelonës, Bartomeu, po mendon t’i ofrojë Messit një kontratë të re me skadencë pas 4 vitesh, por edhe me opsion rinovimi për një vit tjetër.
Kjo është thjesht në nivel lajmi, ndërsa se si mund të jetë e vërteta pritet të shihet në vijim se si do të operohet me kontratën e Lionel Messit.
