Në Palermo, Itali një grua ka braktisur vajzën e saj të porsalindur, pasi foshnja u prek nga koronavirusi.
Nëna e dërgoi në spital vajzën për një vizitë dhe mjekët konfirmuan se e vogla ishte infektuar me Covid-19. Menjëherë u vu në zbatim protokolli i izolimit dhe që nga ai moment, për habinë e mjekëve, nëna nuk u duk më.
“Stafi i spitalit është përpjekur përgjatë disa ditëve për të kontaktuar me të, por nuk na u përgjigj. Kështu që, u detyruam të njoftonim policinë”, tha doktoreshë Marilu Furnari.
