Filmi “Virgjëresha shqiptare” me regji nga Bujar Alimani, ka rrëmbyer çmimin e publikut në “Ostende Film Festival”, Belgjikë. Lajmin e gëzueshëm e ka përcjellë vetë regjisori, me anë të postimeve në rrjetet sociale.
Filmi “Virgjëresha shqiptare” trajton ngjarjen e një vajze në Shqipërinë e veriut të viteve ‘60. Pas vrasjes së babait të saj, vajza vendos të sakrifikojë feminilitetin dhe të bëhet burrneshë, duke vendosur drejtësinë.
E gjithë kjo ndodh në një vend ku është vendosur diktatura komuniste, dhe nuk është e lehtë në mes të ndryshimeve politike që ndodhin të ruhet dinjiteti njerëzor, dhe dashuritë të cilat vihen në provë.
