Në atmosferë të tensionuar kryeparlamentari i Maqedonisë, Talat Xhaferi kaloi ligjin për përdorimin e gjuhëve me 64 vota “pro”. Ai e shpalli të vlefshëm votimin e Ligjit për Gjuhët pas një pushimi prej 15 minutash pas incidentit me deputetët e VMRO-DPMNE-së me në krye Nikolla Gruevskin.
Ligji për gjuhët u votua për herë të dytë në Kuvend, pa mbështetjen e VMRO-DPMNE.
Xhaferi u bëri thirrje deputetëve të votojnë menjëherë pas incidentit me deputetët nga VMRO-DPMNE dhe deklaroi se ligji u miratua me 64 vota.
Deputetët e VMRO-DPMNE reaguan ashpër, por Xhaferi deklaroi se seanca kishte mbaruar.
