Presidenti Ilir Meta del sot me një apel të qartë sa i takon ndërtimeve të shumta që po bëhen në vendin tonë.
Në Ditën Botërore të Mjedisit, Meta shprehet se triumfi u betonit mbi hapësirat e gjelbërta janë një kambanë alarmi që duhet të na zgjojë të gjithëve, ndërsa apelon që t’i themi “Stop” shkatërrimit të mjedisit.
“Shqipëria?? është e bekuar me pasuri e bukuri natyrore të jashtëzakonshme dhe me një biodiversitet të larmishëm, që fatkeqësisht po shfrytëzohen dhe shkatërrohen egërsisht në dëm të shëndetit dhe zhvillimit ekonomik të qëndrueshëm.
Triumfi i betonit mbi hapësirat e gjelbërta, keqmenaxhimi i mbetjeve urbane, masakrat në pyje e lumenj dhe ndotja e frikshme e ajrit, janë këmbana alarmi që duhet të na zgjojnë të gjithëve. Asnjë justifikim nuk mund ta fshehë këtë realitet të dhimbshëm, që po e vuajmë të gjithë.
Sot në Ditën Botërore të Mjedisit, apeli im është i qartë: Duhet t’i themi STOP shkatërrimit të mjedisit! Secili prej nesh dhe të gjithë së bashku duhet të kontribuojmë për të mbrojtur këtë dhuratë që na ka falur Zoti, pa të cilën vetë ekzistenca jonë dhe e gjeneratave të ardhshme është e pamundur”, shkruan Meta.
