Të paktën 17 persona u vranë dhe 50 të tjerë u plagosën, pasi një tren pasagjerësh doli nga shinat në Iranin lindor të mërkurën herët në mëngjes, njofton Gjysmëhëna e Kuqe iraniane në Twitter.
22 ekipe shpëtimi, 10 ambulanca dhe 3 helikopterë u vendosën pasi 5 vagonë treni dolën nga shinat në orën 5:30 të mëngjesit me orën lokale pranë qytetit të Tabas. Sipas mediave shtetërore, të plagosurit u transportuan në qytetet e afërta për trajtim. Treni po transportonte 348 pasagjerë kur u përplas me një ekskavator në hekurudhë, tha IRNA. Ai kishte qenë duke udhëtuar për në qytetin Yazd, sipas Reuters.
Burimi i lajmit: CNN. Përshtatur nga Tirana Today
