Anëtari i Kryesisë së Vetëvendosjes Liburn Aliu ishte mbrëmjen e sotme i ftuar në “5 pyetje nga Babaramo”, prej ku rrëfeu tre gabimet sipas tij të Haradinajt që i dhanë fitoren “Vetëvendosjes”.
“Falja e territorit Malit të Zi, skandalet e korrupsionit dhe aleanca me PSD, janë tre arsyet kryesore që çuan në humbjen e Ramush Haradinajt. Qytetarët nuk falin lehtë, nuk harrojnë. Janë shumë të kthjellët. I dhanë mesazh të qartë që PDK dhe AAK që nuk mund të tallen me qytetarët, që u kanë dhënë territor, në emër të vizave u ka dhënë territor Malit të Zi.
Haradinaj këmbëngulte në fillim, por sapo erdhi në qeveri u dha territor Malit të Zi. Për mua ka qenë tepër problematike. Nuk mund të japësh territor me premtimin se do ta rikthej. Vendimi për ushtrinë ishte i drejtë dhe ai i taksës, që u bënë pas dhënies së territorit. Kishte nevojë që ta kalonte disi çështjen e territorit, prandaj i mori këto vendime. Çështja e taksës shkon ndërsa e territorit jo. Futja e mallrave serbe në kontrabandë, e vinte në pikëpyetje, por sërish ishte pozitive. Gjithashtu edhe skandalet korruptive. Nga ana tjetër, bëri gabim edhe në fushatë. Bëri koalicion me PSD (12 deputetë që u shkëputën nga VV) dhe ia dha të gjithë PR e fushatës. Ato ishin faktori më agresiv për VV brenda Kuvendit. AAK zgjodhi si një armë për të na goditur ne, por kjo i kushtoi shumë atyre. Kjo e forcoi më tej pozitën tonë”, tha Aliu.
