Tre futbollistë të Atalantës kanë rezultuar pozitivë me koronavirus, gjatë kohës që kanë qenë me pushime.
Lajmi u bë i ditur nga vetë klubi në faqen zyrtare të tyre. Por, identiteti i lojtarëve nuk është bërë publik.
“Atalanta njofton se në testet anti-covid, të kryera këtë javë në pritje të rinisjes së aktiviteteve të ekipit të parë, u gjetën tre raste pozitiviteti. Lojtarët në fjalë janë asimptomatikë, tashmë në izolim dhe nën kontrollin e ATS”, thuhet në njoftimin e klubit.
