Manchester Unitedi ka vazhduar me fitore në Premier League, këtë herë 0-1 ndaj Burnleyt. Ishte një ndeshje e fortë, me shanse nga të dy skuadrat. Shansin më të mirë në pjesën e parë e kishte Ashley Young në minutën e 42-të, por gjuajti jashtë pak centimetra larg shtyllës së djathtë.
Goli i vetëm në takim u shënua nga Anthony Martial në minutën e 54 pas asistimit nga Romelu Lukaku. Dy minuta më vonë vendasit u treguan të rrezikshëm nga goditje dënimi, ku Johann Gudmundsson, goditi traversën.
Në vazhdim të dy ekipet kërkuan golin por nuk ishin asnjëherë të saktë. Kjo ishte fitorja e tretë radhazi për Manchester United dhe fakt është forma e mirë që po kalona Martial i cili ka shënuar në të tria ndeshjet. Pas kësaj ecurie Djajtë e Kuq renditen në vendin e dytë me 53 pikë, kurse Burnley në pozitën e tetë me 34 pikë.
Ndeshja e ardhshme e skuadra e Jose Mourinhos është përballë Tottenhamit, kurse Burnley ndaj Newcastles.
