Dhuna e mbrëmshme, në Kuvendin e Maqedonisë, ka bërë që një pjesë e deputetëve të largohen me shpejtësi.
Kështu, një pjesë e deputeteve gra janë hedhur nga kati i dytë, pra, nga galeria e pozicionimit të medieve, për t’u shpëtuar protestuesve dhe dhunës.
Kamerat kanë kapur këtë moment, ndërsa deputetet që u hodhën nga kati i dytë, janë ndihmuar nga persona të tjerë të pranishëm, teksa kanë zbritur me ndihmën e objekteve të vendosura njëra mbi tjetrën.
Megjithatë, numri i të lënduarve, sipas Ministrisë së Punëve të Brendshme, është jo pak, por plot 102 persona, të cilët janë paraqitur mbrëmë në spital për të marrë ndihmën e parë mjekësore.
