Aktivistët në Iran po shprehin shqetësimin për ndërprerjet e përhapura të internetit, dhe që banorët nuk mund të hyjnë në mediat sociale.
Zemërimi ka qarkulluar në internet pas më shumë se një jave protestash të shkaktuara nga vdekja e një gruaje kurde në paraburgim nga policia.
Grupi i monitorimit të internetit NetBlocks tha se Instagram dhe WhatsApp – dy nga mjetet kryesore të komunikimit që Irani zakonisht lejon – ishin kufizuar.
WhatsApp tha se po punonte për të mbajtur të lidhur përdoruesit iranianë. Dy aplikacionet në pronësi të Meta kanë miliona përdorues iranianë dhe janë bërë gjithnjë e më të njohura pasi autoritetet bllokuan platforma të tjera në vitet e fundit, duke përfshirë Facebook dhe Twitter.
Telegrami, YouTube dhe TikTok gjithashtu janë mbyllur periodikisht. Ndërprerjet e fundit pasojnë shpërthimin e protestave mbarëkombëtare për vdekjen e Mahsa Amini. 22-vjeçarja ishte arrestuar pasi dyshohej se nuk iu përmbahej rregullave të hixhabit (shamisë).
NetBlocks raportoi se interneti u rilidh pjesërisht të enjten mbrëma, por të premten pësoi përsëri një “humbje të lidhjes në shkallë vendi”.
Marrë me shkurtime nga BBC. Përshtatur nga Tirana Today
