DJ Cherry, i njohur nga emisioni “Zonë e Lirë”, mësohet se është arrestuar, pasi transportonte emigrantë për kalimin e paligjshëm të kufirit kundrejt fitimit. 38-vjeçari ishte shpallur në kërkim nga policia e Gjirokastrës që prej katër muajsh. Kola nuk iu bind urdhërit të policisë, duke e braktisur më vonë makinën në fshatin Mashkullorë.
Njoftimi i policisë:
Ky shtetas më datë 19.06.2022, në vendin e quajtur “Ura e Lumit”, nuk i është bindur urdhrit të punonjësve të Policisë për të ndaluar automjetin, por ka vazhduar lëvizjen me shpejtësi dhe më pas ka braktisur automjetin me të cilin dyshohet se po transportonte 5 emigrantë të paligjshëm nga vendet MENA, në drejtim të Tiranës, kundrejt fitimit.
Pas kërkimeve, në bashkëpunim me komisariatin nr. 2 në Tiranë, u bë e mundur arrestimi i Kolës në kryeqytet, për llogari të policisë së Gjirokastrës.
