Gjatë kësaj vere Kastriot Dermaku u transferua nga Kozenca në radhët e Parmës në Serinë A për vlerën e 600 mijë eurove. Por, duket se e ardhmja e mbrojtësit të Kombëtares nuk është e sigurt në kategorinë më të lartë të futbollit italian, pasi klubi emilian po merr për të oferta të shumta nga Seria B.
Pas Peskarës, një tjetër klub i kësaj kategorie interesohet për shërbimet e 27-vjeçarit. Po flasim për siçilianët e Trapanit, të cilët sipas “Gazzeta di Parma” interesohen seriozisht për shërbimet e qendërmbrojtësit. Por, për momentin bëhet e ditur se largimi i mbrojtësit është i bllokuar, pasi Parma më parë kërkon të gjejë një zëvendësues të lartësisë së duhur.
