Kohët e fundit, gjithmonë e më shumë e kemi të dëgjuar për mrekullitë e bishtit të kalit. Shampoja e famshme me bisht kali, është ndër termat që e hasim më shpesh.
Kjo është një nga bimët më të pasura në minerale. Vlen të theksohet se është mjaft e përhapur në vendin tonë, dhe rritet pranë kanaleve, por edhe në zona pa lagështi.
Bisht kali ose këputja siç e njohin disa, daton që para 300 milionë viteve. Emri bisht kali është për shkak të pamjes së bimës, dhe pjesët më të mira të bishtit të kalit janë filizat jeshile mashkullore.
Ata janë më aktiv kur janë të freskëta, por gjithashtu mund të korren në fund të verës, dhe të thahen për përdorim të mëvonshëm. Koha ideale është nga marsi deri në fund të prillit, kur filizat kanë më shumë silic, kalcium dhe kalium organik.
Bishti i kalit ndihmon në infeksionin e traktit urinar, gurët e veshkave, plagët dhe djegiet.
