Lazio ka qenë një ekip mjaft i suksesshëm në vitet e fundit dhe kjo falë drejtorit sportiv Igli Traes. Goditja më e madhe ishte zbulimi i mesfushorit serb, Sergei Milinkoviç-Saviç. Ky i fundit ka tunduar ekipet e mëdha të cilat kanë shfaqur shumë interes, por Lazio i ka vendosur një çmim mjaft të lartë, ku vlera e kartonit të tij llogaritet deri në 200 milionë euro. Një shifër e çmendur, por që përligjet në futbollin e sotëm.
Por pavarësisht shpërthimit të ka bërë Milinkoviç-Saviç, ai nuk është grumbulluar në kombëtaren e Serbisë nga trajneri Slavoljub Musin, për në finalet e Botërorit “Rusi 2018”. Në një intervistë për “Sovjetski Sport”, trajneri është shprehur se do të vazhdonte me të njëjtën zgjedhje dhe nuk pendohet për vendimin e marrë.
“Nëse rezultatet e mia ishin pozitive, kjo tregon se zgjedhjet që bëra ishin të drejta. Nuk e kam ftuar Milinkoviç-Saviç më parë, pasi kisha Tadiç në rolin e tij, që kishte bërë 4 gola dhe kishte dhënë 8 asist.
Le të mendojmë pak rreth këtyre shifrave, ishte logjike të zgjidhja dyshen Tadiç-Ljajiç. Dua të bëj diçka të qartë, lojtari nuk e ka të sigurt asnjëherë vendin në Kombëtare. Kemi një shembull, Benzema është sulmuesi kryesor i Realit që po fiton gjithmonë trofeun e “Champions league”. Por ai nuk është ftuar asnjëherë nga kombëtarja franceze”, ka thënë Musin.
