Tekniku qipriot i kombëtares së basketbollit për meshkuj, Antoni Kostandinidhis ka dhënë dorëheqjen pas humbjes së thellë ndaj Holandës.
Kjo pasi kombëtarja shqiptare i mbylli negativisht paraeliminatoret e Kampionatit Botëror 2019.
Kështu, në ndeshjen e fundit të Grupit B në sallën e lojërave me dorë “Feti Borova” në Parkun Olimpik, kuqezinjtë u shkatërruan në shifrat e thella 113-37 nga Holanda duke pësuar edhe disfatën e katërt në po kaq ndeshje të zhvilluara.
Kostandinidhis kishte kontratë deri në fund të vitit, por duket se rezultatet e dobëta e kanë përshpejtuar largimin e tij.
