Sot është luajtur derbi i kryeqytetit mes Tiranës dhe Partizanit. Trajneri i Partizanit, Franko Lerda, pas ndeshjes me Tiranën, të cilën e fitoi 2 me 1, ka dhënë një deklaratë për mediat. Për mikrofonin e ‘Super Sport’, tekniku italian u shpreh i lumtur për këtë fitore, duke thënë se i dukej sikur po luante dhe vetë çdo minutë. Më tej ai shtoi se është një trajner që e përjeton ndeshjen, dhe kjo edhe se ata dhanë gjithçka në fushën e lojës.
“Kemi arritur një fitore të madhe që na duhej, mbi të gjitha për tifozët, presidentin. Arritëm të jepnim gjithçka në fushën e lojës. E merituam. Kemi arritur që ta nisim mirë.
Kishim rast me Brojën. Skuadra vuajti pak me kalimin e minutave. Kemi pasur vështirësi në dublimin e Malës. Në momentin që zhbllokuam ndeshjen, u bëj gjithçka e lehtë.
Mu duk sikur luajta dhe unë. Ishte një koreografi e bukur. Jam një trajner që i përjetoj shumë ndeshjet. Është vërtet emocionuese kur e shikon stadiumin plot dhe të karikon jashtë mase”, u shpreh Lerda.
