Ndërsa Gareth Sauthgejt feston arritjen në finale të Euro 2020-ës të Anglisë, pas tij qëndron një grua, e cila ka luajtur një rol të fshehtë, por të rëndësishëm në suksesin e ish-futbollistit të “Tre Luanëve”.
Trajneri 49-vjeçar britanik është i martuar me gruan e tij Alisonin, 53 vjeçe, prej dy dekadash, mbështetja e së cilës jashtë fushe ka rezultuar efikase duke e mbajtur trajnerin me këmbë në tokë.
Ish lojtari ishte në fillim të të 20-ave dhe ishte i sapoardhur tek Crystal Palace kur ra në dashuri me Alisonin, një shitëse e bukur butiku gati katër vjet më e madhe se ai.
Ai endej nëpër butikun e saj duke bërë sikur shikonte rroba dhe për ta bërë për vete u ndihmua nga pronari i një restoranti italian në Croydon, të cilin ai dhe Alisoni e frekuentonin, që veproi si shkes.
Ish-shitësja bjonde e është një mbështetje e vazhdueshme, por shmang ekspozimin prej një “WAG”-u, term që në Angli cilëson gratë dhe të dashurat e futbollistëve. Alisoni qëndron kryesisht larg vëmendjes së medias për t’u përqëndruar tek dy fëmijët e tyre Mia, 21 vjeçe dhe Flynn, 17 vjeç.
Gareth ka folur hapur për mënyrën se si koha e kaluar me gruan e tij dhe dy fëmijët e tyre e ndihmon ta mbajë mendjen larg fushës së lojës dhe përvoja e tij ka frymëzuar prej kohësh strategjinë “familja e para” edhe me kombëtaren.
Dhe ky turne nuk është ndryshe nga të tjerët: pavarësisht se ishte larg burrit të saj për shkak të masave anti-Covid gjatë Kampionatit Evropian, Alisoni, që thuhet se nuk është tifoze e futbollit, është parë duke brohoritur ekipin nga tribunat.
