Trajneri i Kombëtares braziliane të futbollit, Tite, nuk ka humbur kohë dhe i ka zgjedhur pjesën më të madhe të futbollistëve që do të jenë në botërorin “Rusi 2018”. Ai ka konfirmuar 15 lojtarë nga 23, që janë edhe lojtarët që përbëjnë organikën. Ndërsa 8 të tjerët do të jenë zgjedhje të muajve në vazhdim duke parë edhe formën që do të kenë.
“Mund t’ju them se 15 nga 23 lojtarë, i di se cilët do të jenë. Po punoj për të përzgjedhur 8 të tjerët, të cilët do të jenë futbollistët më në formë, në këtë pjesë të mbetur të sezonit”, u shpreh Tite për UOL Sport.
Ja 15 lojtarët që e kanë të sigurt pjesëmarrjen në botëror me Brazilin:
Alisson, Dani Alves, Thiago Silva, Marquinhos, Miranda, Marcelo, Casemiro, Fernandinho, Renato Augusto, Willian, Paulinho, Coutinho, Neymar, Gabriel Jesus, Firmino.
