Dy vajza 17-vjeçare kanë humbur jetën, si pasojë e një aksidenti ndodhur gjatë orëve të para të mëngjesit të sotëm në Bërzhitë të Tiranës.
Sipas njoftimit të policisë, një automjet i drejtuar nga një 18-vjeçar ka dalë nga rruga duke u përplasur me dy pemë.
“Automjeti me drejtues shtetasin F. SH.,18 vjeç, si pasojë e lagështirës ka dalë nga rruga. Për pasojë kanë ndërruar jetë dy nga pasagjeret në automjet, D. T, 17 vjeçe dhe S. S, 17 vjeçe”, thuhet në njoftim.
Sakaq, mësohet se shoferi së bashku me dy pasagjerët e tjerë O. M, 14 vjeç dhe L. M, 14 vjeç ndodhen në spital.
Grupi hetimor vijon punën për zbardhjen e rrethanave dhe shkakut të aksidentit.
