Një modele 31-vjeçare shqiptare dhe i dashuri i saj kanë humbur jetën në një aksident rrugor në Itali. Ngjarja ndodhi të dielën, në Collatino.
Stella Vasilika Kerxhalli ndërroi jetë rrugës për në spital, ndërsa i dashuri i saj fotograf, Christian Milo humbi jetën në vend.
Sipas mediave fqinjë, ata u njohën 7 vite më parë gjatë një seti fotografik. Asokohe, Stella punonte si modele, ndërsa 30 vjeçari ishte një fotograf i modës, i njohur ndërkombëtarisht.
“Ata kishin shkuar për të jetuar bashkë në ‘Giardinetti’, kishin blerë një shtëpi dhe kishin filluar planet për martesë. Nuk mund ta besoj, është një makth. Unë humbas një koleg, një mik dhe një vëlla. Ai ishte personi i parë që takova në akademi. Ai bënte fotot dhe unë videot. Të mërkurën ne e kishim lënë të takoheshim së bashku”, rrëfeu një bashkëpunëtor i ngushtë i Christian, Giuseppe Torcaso.
