Të paktën 25 persona, përfshirë një oficer policie janë vrarë në një shkëmbim zjarri në Rio de Janeiro të Brazilit, gjatë një operacioni policor.
Policia Civile nisi operacionin pasi mori njoftime se trafikantët e drogës po rekrutonin fëmijë për bandën e tyre, shkruan BBC.
Ndërkohë, plumbat kapën edhe dy pasagjerë në një metro pranë ngjarjes, por fatmirësisht pa pasoja fatale për jetën.
Policia Civile në qytet konfirmoi vdekjen e një prej oficerëve të tyre, inspektorit të policisë Andre Leonardo de Mello Frias.
Sipas lajmeve lokale, banda e shënjestruar në këtë bastisje ishte e përfshirë në trafik droge, vrasje dhe rrëmbime.
Rio de Janeiro është një nga shtetet më të dhunshme të Brazilit dhe zona të mëdha janë nën kontrollin e kriminelëve, shumë prej tyre të lidhur me banda të fuqishme të trafikut të drogës.
Forcat e sigurisë në Brazil shpesh janë akuzuar për përdorim të tepruar të forcës kundër popullatës civile gjatë operacioneve anti-krim në qytetet e mëdha.
