Të paktën një person është vrarë dhe deri në 30 janë plagosur, pasi një makinë u përplas me turmën pranë një kishe në Berlin, mëngjesin e sotëm. Një Renault Twingo e argjendtë ka përplasur njerëzit në Rankestrasse, një rrugë e mbushur me dyqane dhe kafene në Berlinin perëndimor që shihet nga Kisha Përkujtimore Kaiser Wilhelm, rreth orës 10:30 të mëngjesit me orën lokale të së mërkurës.
Makina u ngjit në mënyrë të përsëritur në trotuar dhe përshkoi rreth 600 metra mes turmës, përpara se të përplasej në pjesën e përparme të një dyqani parfumesh, raportoi gazeta gjermane Bild, duke shtuar se shoferi u përpoq të ikte, por u mbajt nga kalimtarët derisa mbërriti policia.
Oficerët thonë se shoferi – një burrë – është arrestuar, por nuk thanë për çfarë. Ata gjithashtu refuzuan të thonë nëse besojnë se përplasja ishte e qëllimshme apo një aksident.
Aktori John Barrowman ishte në zonë në atë kohë, dhe përshkroi se kishte dëgjuar një “shpërthim të fortë” nga brenda një dyqani, përpara se të dilte në skenën e “masakrës”, me një trup të pajetë të shtrirë në rrugë dhe policinë gjithkund.
Duke postuar në Twitter nga vendi i ngjarjes, ai tha: “Makina zbriti në trotuar. Pastaj ka dalë në rrugë atje, ka goditur dikë, pastaj ka zbritur rrugës dhe është kthyer në trotuar… dhe ka kaluar nëpër një grupi njerëzish dhe më pas në dritaren e një dyqani”.
Policia tha: “Një burrë besohet të ketë përplasur një grup njerëzish. Nuk dihet ende nëse ka qenë aksident apo veprim i qëllimshëm”.
Gjermania ka parë disa sulme të tilla që nga sulmi vdekjeprurës i vitit 2016.
Burimi i lajmit: dailymail. Përshtatur nga Tirana Today
