7 të vdekur e 20 të plagosur është bilanci tragjik i një aksidenti në Turqi. Aksidenti ka ndodhur mëngjesin e së dielës, kur fugoni është përplasur me një kamionçinë.
Mediat raportojnë se aksidenti i rëndë është shënuar në juglindje të Turqisë, në distriktin Oguzeli të Provincës së Gaziantepit. Fugoni ka qenë i tejmbushur me punëtorë sezonalë, të cilët po shkonin për të mbledhur lajthi.
Si pasojë e përplasjes së fortë të dy automjeteve, 4 persona humbën jetën në vendin e ngjarjes. Po kështu, 3 punëtorë të tjerë humbën jetën si pasojë e plagëve të rënda.
