Publikohen momentet nga ngjarja tragjike që ndodhi dje në Rusi, ku u rrëzua një avion në Moskë.
Një kamera sigurie ka kapur nga larg momentin kur avioni Antonov An-148 rrëzohet me shpejtësi marramendëse, ndërsa siç duket në video, ai kishte shpërthyer në flakë.
Si pasojë e aksidentit, humbën jetën 71 persona që udhëtonin në avion, mes tyre 6 anëtarë të ekuipazhit.
Sipas medieve ruse, avioni i ishte nënshtruar kontrollit teknik, ndërsa nuk dihet ende shkaku që çoi në tragjedinë në fjalë.
Por, kush janë viktimat që humbën jetën në aksidentin e djeshëm ajror?
Sipas medieve të huaja, më e reja ndër viktimat është 5-vjeçarja Nadezhda Krasova, e cila vdiq bashkë me nënën e saj Oksana Krasova, 32 vjeç.
Evgeni Livanov, 12 vjeç, Ilya Poletayev, 17 vjeç, Ulyana Son, 28 vjeç, Kriskentia Alexeenko, 25 vjeç dhe Lyudmila Kovchuga, 53 vjeç, një mjek nga Orsk, janë gjithashtu midis viktimave të identifikuara deri më tani.
