Të paktën 125 persona kanë vdekur pas një kaosi që u shkaktua pas një ndeshje futbolli në kampionatin elitar indonezian. Dhuna dhe kaosi u përshkallëzua, pasi policia përdori gaz lotsjellës ndaj tifozëve, të cilët u futën në fushë me të përfunduar ndeshja.
Qindra u lënduan gjithashtu si pasojë e humbjes së ekipit vendas Arema FC ndaj rivalëve në stadiumin e mbipopulluar vonë të shtunën në Malang. Përplasja ndodhi pasi policia përdori gaz lotsjellës ndaj tifozëve që pushtuan fushën.
Pas panikut, mijëra njerëz u turrën drejt daljeve të stadiumit Kanjuruhan, ku shumë u dëmtuan. Presidenti i organizatës, Gianni Infantino tha se ishte “një ditë e zezë për të gjithë të përfshirë në futboll dhe një tragjedi përtej të kuptuarit”.
Një dëshmitar okular i tha BBC-së se policia kishte hedhur gaz lotsjellës të shumtë “vazhdimisht dhe shpejt” pasi situata me tifozët u bë “e tensionuar”. Presidenti Joko Widodo ka urdhëruar që të gjitha ndeshjet në ligën më të lartë të Indonezisë duhet të ndalen derisa të kryhet një hetim. Videot nga stadiumi tregojnë tifozët që vrapojnë në fushë pas fishkëllimës së fundit që shënoi humbjen 2-3 të skuadrës vendase, dhe policia përdori gaz lotsjellës si kundërpërgjigje.
Marrë me shkurtime nga BBC. Përshtatur nga Tirana Today
