Trageti i linjës Bari-Durrës ka mbërritur më në fund në destinacion me 12 orë vonesë. 280 pasagjerë të tragetit “Rigel 1” kanë kaluar tre orë ankthi në det të hapur mbrëmjen e shkuar.
Kapiteni i portit, Taulant Allka bëri me dije se një problem me paketën e Kontrollit brenda në tragetin e linjës Durrës-Bari, ka bërë që trageti të pësojë “black out” në orën 03:00 të mëngjesit, por fatmirësisht nuk kishte pasoja në njerëz.
Pasagjerët ndërkohë janë shprehur se kanë kaluar orë të vështira në det të hapur, ndërsa inspektorët kanë nisur menjëherë kontrollin mbi tragetin pas avarisë, e cila tmerroi 280 pasagjerët që udhëtonin në të.
Nga moti i keq me erë të forta dhe det të trazuar, po ashtu trageti i linjës Vlorë-Brindisi wshtw detyruar të mbërrijë me vonesë në destinacion. Mësohet se dallgëzimi në det të hapur arrin deri në 7 ballë. Për këtë arsye trageti i linjës Vlorë-Brindisi do të arrijë në port rreth orës 20:00.
Kujtojmë se vonesa ka patur edhe për tragetin e linjës Durrës-Bari, i cili mëngjesin e sotëm iu desh të priste 3 orë në det të hapur.
