Policia ka arrestuar dy shtetas dhe ka shpallur në kërkim një tjetër për akuzën e trafikut të emigrantëve në drejtim të Malit të Zi. Nga operacioni i policisë janë arrestuar shtetasit, Aldo Ukaj, 32 vjeç, banues në Shkodër, Alfonc Capi, 28 vjeç, banues në Vaqarr Tiranë dhe është shpallur në kërkim një 24-vjeçarë nga Tirana.
Policia ka bërë të ditur se 32-vjeçari është arrestuar në rrugën Lezhë-Shkodër dhe në mjetin e tij u gjetën 5 shtetas Sirian për në Malin e Zi.
Ndërkohë, edhe shtetasi tjetër u arrestua po në Shkodër, duke transportuar shtetas sirian në bashkëpunim me 24 vjeçarin G.G.
Policia sqaron se Alfonc Capi me mjetin tip Renault kishte 4 shtetas nga Siria, ndërsa në afërsi të Urës së Baçallekut u gjetën të braktisur edhe 6 shtetas të tjerë të tjerë të së njëjtës familje. Në këtë zonë ka zbritur dhe është arratisur edhe 24 vjeçari.
Materialet iu referuan Prokurorisë së Rrethit Gjyqësor Shkodër , në ngarkim të shtetasve të lartpërmendur, për veprën penale “Dhënie ndihmë për kalim të paligjshëm të kufirit” e kryer në bashkëpunim.
