Pasi kishte bërë para duke shfrytëzuar vajzat për prostitucion, shtetasi Florjan Zeqja lëvizte lirshëm në Shqipëri pas asnjë problem. Florjan lëvizte në Dibër me makinë e tij luksozë tip “Mercedez Benz – CLS” me targa AA 010 TK, që kap vlerën rreth 20.000 Euro.
Por ky shtetas ra në prangat e policisë shqiptare vetëm një javë më parë i cili u arrestua për llogari të shtetit italian.
Florjani ishte i dënuar me 6 vjet burg, për veprën penale “Shfrytëzim prostitucioni” në Itali.
Ndërsa sot policia ka sekuestruar automjetin e tij luksoz sepse ka dyshime të forta që kjo pasuri ka ardhur si rezultat i veprimtarive kriminale, të kryera nga shtetasi i lartëpërmendur.
Ndërkohë, vijon hetimi pasuror për të gjitha pasuritë që ky shtetas ka ose që mund t’i ketë fshehur.
NJOFTIMI
Ka nisur hetimi pasuror në ngarkim të shtetasit Florjan Zeqja i cili është kapur në datën 25.04.2018, nga Policia e Dibrës, për llogari të shtetit Italian
I sekuestrohet një automjet me një vlerë rreth 20.000 Euro
Specialistët e Sektorit për Hetimin e Narkotikëve dhe Trafiqeve në Drejtorinë Vendore të Policisë Dibër, në vijim të punës për identifikimin dhe sekuestrimin e pasurive të vendosura si rezultat i veprimtarive kriminale, ka nisur procedimi pasuror në ngarkim të shtetasit :
Florjan Zeqja, 24 vjeç, banues në Maqellarë-Dibër, i cili është kapur në datën 25.04.2018, nga forcat e Drejtorisë së Policisë Dibër, për llogari të shtetit Italian, i dënuar me 6 vjet burg, për veprën penale “Shfrytëzim prostitucioni”.
Sektori për Hetimin e Narkotikëve dhe Trafiqeve, ka sekuestruar automjetin tip “Mercedez Benz – CLS” me targa AA 010 TK, që kap vlerën rreth 20.000 Euro, në pronësi të shtetasit F.Zeqja, ku dyshohet se kjo pasuri ka ardhur si rezultat i veprimtarive kriminale, të kryera nga shtetasi i lartëpërmendur.
Vijon hetimi pasuror për të gjitha pasuritë që ka, ky shtetas ose që mund ti ketë fshehur.
Materialet proceduriale do ti referohen Prokurorisë Pranë Gjykatës së Shkallës së Parë Dibër, për veprën penale “Pastrim produktesh të veprës penale”, parashikuar nga neni 287, I Kodit Penal.
