Gjykata e Apelit në Katania ka lënë në fuqi vendimin për të dënuar me 15 vite e 5 muaj burg Moisi Habilajn. “Konfirmohet vendimi dhe dënohet i pandehuri,”-janë shprehur togat e zeza në seancën e sotme.
Sipas mediave italiane, për trafikantin shqiptar të drogës, vendosën që të mos e ndryshojnë vendimin e shkallës së parë dhe të mos bëjnë asnjë ulje në dënium. Habilaj do të qëndrojë brenda katër mureve të qelisë për 15 vjet, 5 muaj dhe 10 ditë, ashtu siç u caktua edhe më 19 qershor 2019.
Para se të merrej vendimi, Moisi Habilaj ishtë caktuar në “arrest shtëpie” në fund të majit, pasi kaloi 954 ditë pas hekurave. Për disa muaj, trafikanti i drogës ka qenë në shtëpinë e një kushëriri në krahinën e Catanias.
Habilaj ishte në paraburgim që nga tetori i vitit 2017, por vetëm në muajt e fundit kishte pranuar pjesërisht përgjegjësitë e tij. Ndërkohë, janë marrë ende vendimet për anëtarët e tjerë të grupit.
Nazer Seitaj i konsideruar si financieri i është dënuar me 7 vite, 4 muaj e 26 ditë burg, e 1 vit më shumë se sa kishte kërkuar pala akuzuese; Meridian Sulaj, me 8 vite e 4 muaj burg; Antonino Riella me 14 vite burg; Vincenzo Spampinato me 10 vite e 2 muaj burg; Angelo Busacca me 7 vite e 4 muaj burg; Gianluca Passavanit me 4 vite e 10 mijë e 667 euro gjobë; Giuliano Rosario 2 vite, 4 muaj burg e gjobë 4 mijë e 700 euro ndërsa Giuseppe Grebo 3 vite e 4 muaj burg e 4 mijë e 760 euro gjobë.
