Të gjithë pa përjashtim presin të festojnë ardhjen e një Viti të Ri. Shqiptarët kanë disa tradita, që i dallojnë nga të tjerët. Mamatë tona, me të ardhur dhjetori, u futen punëve me themel duke pastruar gjithçka.
Në traditën tonë është shumë e rëndësishme që tavolina të jetë plot. Nuk duhet të mungojnë llojet e ndryshme të ushqimeve, ëmbëlsirave, pijeve dhe shumë mish.
Viti i Ri duhet ta gjejë tavolinën të mbushur plot. Një tjetër traditë shqiptare është gatimi i byrekut me një lek brenda. Kujt i bie leku, është personi që do ketë më shumë fat në vitin që vjen.
Ëmbëlsira tipike e Vitit të Ri është pa dyshim bakllavaja. Bakllavaja përgatitet shumë ditë para, dhe qërasen të gjithë mysafirët që vijnë në shtëpi.
