Një ditë më parë, Meda tronditi ndjekësit në Instagram me një foto të publikuar, ku lajmëronte ndarjen nga bashkëshortja e tij prej 10 vitesh, Lulja.
“Tradhtare, fajtore, ti s’meriton të flas, por meriton përjetë t’mallkoj e në fund të vras”, shkruhej në foton e tij me të shoqen, ndërsa krahas fotos këngëtari kishte shkruar “Publikisht sot më datën 10 shtator 2018, ndahem nga gruaja ime”.
Te gjithë fansat e tij duhet të qetësohen, pasi ky lajm nuk është i vërtetë. Mesa duket, këngëtarit i kanë vjedhur profilin e tij në Instagram, duke shpërndarë lajmin e rremë të ndarjes. Nëpërmjet një fotoje në profilin e tij në Facebook, këngëtari lajmëron ndjekësit për lajmin e rremë: “Për të gjithë dashamirësit tanë, ju njoftoj që Instagrami im është keqpërdorur dhe ka lajme të pavërteta. Ju përshëndesim unë dhe Lulja”, ka shkruar Meda në foton me bashkëshorten.
