Kreu i Partisë Demokratike, Lulzim Basha do të dëshmojë në Prokurorinë e Krimeve të Rënda në 25 korrik, lidhur me çështjen “Toyota Yaris”, ku u kapën 3.4 milionë euro.
Sipas burimeve nga Partia Demokratike, mësohet se kreu demokrat, Lulzim Basha ka shprehur gatishmërinë e plotë të kontribuojnë këtë hetim.
Po ashtu, këto burime theksojnë se kryetari i opozitës është shprehur i gatshëm për të ndihmuar me informacionet që disponon në zbardhjen e lidhjeve kriminalo-politike në aferën e pastrimit të miliona eurove me garanci politike të përfaqësuesve më të lartë të kupolës së Rilindjes.
